聖誕新年期間開放時間

圖書館於下列時間開放服務﹕

日期﹕22/12 - 24/12
時間﹕9:00a.m. - 4:00p.m. (11:00a.m. - 12:15p.m. 午飯休息)

其餘時間如需還書，請聯絡校務處協助。

除此以外，聖誕期間圖書館亦將供應試題，給參與中五溫習班的同學使用。

家長日書展

日期﹕十二月十九日(星期六)
時間﹕上午九時至下午三時
地點﹕有蓋操場
書商﹕Global Mag & Press

當日將展出各種雜誌、英語學習書刊及親子書籍，均以優惠價發售，歡迎家長及學生前來參觀。

新書書展、聖誕增加借書限額

甲﹕咦﹖臨近聖誕，圖書館有咩畀大家呢﹖

乙﹕梗係有啦。圖書館依家展出緊一批新書。

甲﹕不如介紹下有乜野書啦。

乙﹕首先有一批藝術書，由繪畫、設計、攝影到陶藝都有。仲有一本教大家唱歌既書，無論你想參加超級新星、星光大道，定係老師想借黎練氣都岩用﹗

甲﹕我知道有兩本運動書，分別講菲比斯同香港運動員既。另外仲有本教你點露營添，再借埋本講香港地質公園既書，就去邊都咁方便﹗

乙﹕除此之外，仲有一本講難民既《旅行箱的故事》同奧巴馬既傳記。另外仲有《中國無法偉大的50個理由》，可以睇下大國崛起後面有乜野隱憂。

甲﹕最後仲有兩本介紹畀老師既，一本係一位全美最佳教師獎得主寫既《夢想教室》，同埋介紹生命教育既《活出精彩的生命》。

乙﹕以上既新書，圖書館既組員可以星期四放學後借閱，其他同學o係星期五都可以借返屋企過聖誕啦。而且為左方便大家，圖書館仲已經將各位既借書限額加多兩本添﹗

甲﹕你仲漏左一樣野喎。圖書館仲搞緊教協「好書龍虎榜」，同學可以拎定表格、借定相關既書，聖誕節後交番黎就岩岩好勒。

乙﹕又有書睇，寫少少感想又有書券攞，真係不容錯過喎。

學校資訊日開放參觀

本校將於本星期六(12/12)下午二時至五時舉行「學校資訊日」，開放予外界參觀。

圖書館屆時亦會開放，歡迎參觀指導。