圖書館舊雜誌招領

圖書館現有一批舊雜誌註銷，歡迎師生於1/6(星期一)起前來領取。

29/5後暫停借書

為便利盤點，圖書館於29/5(星期五)後暫停借書服務，直到另行通知為止。

所有已借出書刊必須於5/6(星期五)前歸還。

通識書目更新、中五中七放榜策略講座

1. 通識科參考書目已更新，包括「思考方法」、「今日香港」、「能源科技與環境」及「專題研習」四部分，分門別類介紹各種有關資源，請往「圖書館網頁>參考資源」觀看。

2. 香港中央圖書館為中五及中七同學舉辦放榜講座，介紹各種準備及程序。有興趣同學可以指定日期前往索取入場券。每人限取兩張，先到先得，額滿即止。

中七放榜策略講座
日期﹕6月19日(星期五)
地點﹕中央圖書館地下演講廳
入場券﹕5月29日起到中央圖書館六樓青少年圖書館登記索取
內容﹕JUPAS怎樣派位、各院校「賣點」科目、各院校面試科目、放榜後怎樣改選科目

中五放榜策略講座
日期﹕7月24日(星期五)
地點﹕中央圖書館地下演講廳
入場券﹕7月3日起到中央圖書館六樓青少年圖書館登記索取
內容﹕放榜日準備、怎樣選擇理想學校、介紹五段收生程序、成績不足14分的選校策略

同學亦可致電 2921 0335 查詢。

新書書展

甲﹕咦﹖讀品大拆家，好難得見到你出場喔﹗

方老師﹕係呀，打機到最後都會見到首領啦。諗住襯考試未黎，畀同學借埋呢批新書嘛﹗

甲﹕啊，我知道今次展出既主要係數學科同宗教科既新書。無論同學想玩數學遊戲、睇下點樣幫份專題研習埋尾、定係想幫心靈增下值，都一樣咁o岩架。

方老師﹕係呀﹗不過除此以外，仲有其他好野喎。例如有幾本講九廣鐵路、香港道路、同香港工業歷史既書添……

甲﹕我都知丫﹗另外有本叫《聽聽屍體怎麼說》既法醫手記、有關中國爆發核戰既預言小說《黃禍》，重有本《看懂食物標籤》o岩晒注重健康既同學﹗

方老師﹕咦﹖你都知好多野喔﹗

甲﹕咁點解你仲要出場既﹖

方老師﹕我出場當然係做「老師好書推介」啦﹗不過今次唔係淨係介紹畀同學，亦都介紹畀老師睇既。近年國外都討論緊「芬蘭奇蹟」，佢地既學生可以放兩個半月暑假、唔使做暑期功課，平日返學又早早放學，連老師都唔使考基準試、又唔會幫學生排名次，但係去到國際學生評估，芬蘭竟然名列第一喎﹗而且學生既學習差異重好細添﹗

甲﹕嘩﹗聽聽下連我都想去芬蘭讀書喎﹗

方老師﹕哈﹗你捱得凍先好喎﹗不過去唔到芬蘭都可以睇下書先，圖書館就買左一個住o係芬蘭既台灣媽媽寫既﹕《沒有資優班》同《每個孩子都是第一名》，重有芬蘭人自己寫既《芬蘭的100個社會創新》。暑期功課你就未必走得甩啦，但係研究下人地點樣做到都好架。

甲﹕咁今次咪連老師都黎搶書﹖

方老師﹕歡迎之至啦﹗各位可以o係呢幾日o黎圖書館睇定先。同學們下星期五就借得啦。

甲﹕如果係圖書館既組員，下星期四放學就借得添﹗

暑期訂報計劃

各報館之「暑期訂報計劃」已接受報名。欲知詳情，各老師同學可前往圖書館參閱有關宣傳單張。

圖書館將於5月15日(星期五)截止接受代辦訂報申請，請各位儘快前往圖書館辦理。