本年度「老師好書推介」書目已更新﹗

請參閱圖書館網頁﹕http://subject.skhlkyss.edu.hk/lib/I05_7.htm

歡迎參加「第二十一屆好書龍虎榜」﹗

香港教育專業人員協會、香港公共圖書館聯合主辦的「第二十一屆好書龍虎榜」活動，現已開始﹗

由現在起到2010/1/29，同學可到本館或公共圖書館借閱候選好書，然後投票和參加比賽。(圖書館現正展出候選好書及最近購置的書籍，11月19日後可供借閱。)

為鼓勵同學參加，除了主辦單位獎項外，寫出優異作品的本校學生亦可得家教會書券及圖書館送出圖書獎勵﹗

以下為「好書龍虎榜」各項活動之詳情﹕

1. 推薦書籍及最喜愛作家選舉
—到圖書館瀏覽六十本候選好書
—領取表格，填上所選好書、作家，及姓名班別，交回圖書館收集箱

2. 讀後感寫作比賽
—領取表格，就候選好書寫一篇180-250字的讀後感(不包括標點符號)
—填上姓名、班別等資料，交回圖書館的收集箱 (撰寫讀後感次數不限)
—圖書館會選出初中組和高中組各二十份作品，交回大會參賽
—設最佳讀後感十二名(各得獎牌及書券)、優異獎一百名(各得獎狀及禮品)
—優秀作品可得家教會送出$20書券。

3. 書評寫作比賽
—就候選好書寫一篇不少於800字的書評(包括標點符號)，以分析及評論為主。可從思想、結構、內容任何一方面立論，亦可作綜合評論
—參賽篇數不限，可以原稿紙書寫或電腦列印。須在背面寫上姓名、班別
—必須為原創作品，並未經發表或參加其他公開比賽
—設冠亞季軍各一名(得獎盃及書券)、另設優異獎(各得獎座及書券)
—遞交作品每份可得圖書館送出圖書乙本，此外優秀作品可得家教會送出$40書券。

4. 書籤設計比賽
—從候選好書中選取一本設計書籤，須清晰顯示書籍名稱
—尺寸不可超過17 cm (長) X 8 cm (闊)，材料不限，但不得有立體設計。請向方老師索取表格填寫個人資料，貼在作品背面
—必須為原創作品，並未經發表或參加其他公開比賽
—設冠亞季軍各一名(得獎盃及書券)、並優異獎七名(各得獎座)

緊記截止日期為2010/1/29﹗

如有疑問請向方老師查詢

(參賽作品，概不發還。大會有權以任何形式出版、展覽、複製及引用)

2009/10假期訂報計劃

假期訂報計劃(包括聖誕、農曆新年、復活節等)現已接受報名，老師和同學可到圖書館參閱有關資料。

有意參加者，請於2009/11/25(星期三)前向圖書館助理報名並繳費，逾期不候。

(請注意﹕明報假期訂報只接受個人訂閱，欲訂閱之師生請自行向明報寄交報格及費用。)

新書書展

甲﹕十月尾咪岩岩搞左個書展既，唔知圖書館買左乜野書呢﹖

乙﹕圖書館依家就展緊D新書勒。仲要分兩張枱擺添﹗

甲﹕咁誇張﹖﹗

乙﹕因為其中有一批係好書龍虎榜既書，我地留番聽日再介紹，今日介紹左其他書先啦。

甲﹕我知﹗我知﹗圖書館買左最新幾本《叛逆歲月》、鄭梓靈既小說、馬仔既《我的低能旅行》，仲有好多食譜﹗

乙﹕你又話唔知圖書館買左乜野書既﹖

甲﹕呢幾本係我叫老師買架嘛﹗咁其他仲有咩呢﹖

乙﹕仲有好多，例如有冇諗過同印度人結婚﹖有本新書叫《我老公係印度人》，就係一個本地既真人真事，前排電視台都有訪問過佢地。另外上星期《新聞透視》岩岩講過赤柱冧樹死者個家姐，你又可以借佢本回憶錄《走過死蔭的樹下》黎睇。

甲﹕圖書館都幾up-to-date喎。

乙﹕更update都有呀。前排咪話高錕得到諾貝爾獎既，借佢本自傳《潮平岸闊》黎睇，睇完岩岩好可以睇埋佢領獎添。近年中國互聯網新一代成長，為改革帶黎新力量，睇《中國猛博》呢本書就可以知道佢地點樣突破封鎖勒。仲有，黃明樂寫左本《港孩》，專門針對時下香港青少年既問題，大家睇左，有則改之，無則加勉啦。

甲﹕我都係想睇小說多D喎，例如《神探伽里略》果類呢。

乙﹕梗係有啦。圖書館買左《神探伽里略》作者東野圭吾既《名偵探的守則》，呢本書諷刺好多偵探故事既常見橋段，仲已經拍成日劇添。另外一本《博物館驚魂夜》都係前排先上畫既電影小說。如果你鍾意睇翻譯小說《姊姊的守護者》，圖書館亦有作者既新作《換心》，同樣都係咁吸引架﹗

甲﹕咁幾時有得借先﹖

乙﹕圖書館組員星期四放學可以借、其他同學星期五就借得。