新書書展

甲﹕依﹖大拆家去左邊度呀﹖

乙﹕佢呢排話食飯要慢慢咀嚼，好似仲食緊飯喎。

甲﹕等我仲諗住問下佢近排有乜新書添﹗

乙﹕咁你問我都冇錯勒，最近圖書館除左展覽今年度既「老師好書推介」之外，仲做緊新書書展。

甲﹕咁有咩新書呢﹖

乙﹕有《棋魂》啦、《死亡筆記》啦，仲有大拆家話伍諾韻本《幕下了，讓我們戀愛吧﹗》幾受歡迎，所以又入多兩本，分別係《超女現形記》同《換掉別離的回憶》，o岩晒鍾意睇小說既你。

甲﹕仲有呢﹖

乙﹕仲有最近大熱、龍應台講國共內戰故事既《大江大海》、講述海員生活既《飄洋過海》、李天命既《哲道行者》，仲有《楊官英文留言信箱》、《追尋新界古蹟》、就算你想排毒或者買油，圖書館都有書o岩你架。

甲﹕我仲知道，同場有幾本青年協會出版既青少年研究小冊子，需要做專題研究既同學，如果你做既題目係有關青少年的話，都可以黎睇睇架。邊個話我淨係睇小說架﹖

乙﹕你都知唔少喎。圖書館呢批新書會展到星期四，圖書館既組員當日放學就可以借，其他同學到星期五就可以借啦。